Kriwising Banyu Udan

 Kriwising Banyu Udan

Sore iku hawane atis karana kabut awan kang mendung agawe Maryumi mikirake prastawa kang wis kedadeyan, kadang deweke guya guyu dewe kadang uga nrocohake banyu saka matane kang blalak-blalak. Saka jendela kamar kang langsung watesan karo wit jambu, awan kang saya ngklireng, grimis kriwis-kriwis  tansah gawe remene ati Maryumi kanggo ngiling-iling kedadeyan jaman biyen.

Maryumi kelingan dek jaman dewekke sekolah ana ing bangku sekolah tingkat dasar (SD) dewekke dikenal kanthi cah wadon sing tingkahe kaya lanang. La iya bener yen diarani lanang , amarga yen dolan bareng cah lanang-lanang. Dolananne dudu bekelan, boneka utawa karetan nanging dolananne bal balan, manjat wit jambune tanggane. Gaweane naming nakali kanca-kancane sing wadon, nalika kancane lagi bekelan, bal bekele disaut banjur di buang , yen kancane wis nangis gawe bungae atine Maryumi. Saka nakale Maryumi asring di celuk “cabling” . cabling iku artine bocah beling (bocah nakal).

Wujude wadon, ya nek sekolah nganggo rok nanging polahe kaya cah lanang. Cabling ora gelem yen dolan karo bocah wadon, kabeh kancane lanang. Nanging pas kelas enem padha moyoki yen Cabling pacare Wawan (Wawan iku kancane Cabling) , saka poyokan poyokan iku dewekke isin , mulai kelas nem iku Cabling mulai gelem dolanan karo bocah wadon. Caling mulai latian dadi cah wadon dolanan patahan, bekelan, karetan lsp.

Pas jaman sekolah SMP Cabling kepingin banget melu organisasi ing sekolahe nanging dewekke daftar ora ketrima . ya mungkin amarga Cabling iku omahe adoh saka sekolahan dadi gurune melas yen kudu melu kegiatan dewekkan. Suwine perjalanan seka omahe sakjam yen mlaku. Kanca sak desane ora ana sing kepingin melu organisasi iku. Cabling prustasi, wah jamane SMP jaman mbeling-mbeling e. saben dina mesthi mlebu ruang “BK(Bimbingan Konseling”. Sing kenal Cabling jaman SMP ya mung guru BK,guru matematika (konangan yen cabling jarang adus nalika mangkat sekolah) saha guru bahasa inggris (amarga saben diwulang mesthi turu lan yen di takoni blengang-blengong kaya kethek ketulup).

Jaman SMA Cabling nyadar yen nakal iku akeh ora kepenakke , mangka deweke pingin dadi cah bener, pas SMA di kenal kabeh guru, kakak kelas lan adik adik kelase amarga Cabling sering melu lomba tingkat propinsi lan dadi wong penting ning sekolahane.

Kadang guy, kadang uga netesna banyu mata n tan saya deres saiki sing di piker Cabling yaiku kepiye carane gawe seneng wong tuwane lan wong sing ana ing sisihe. Saiki wis ora di undang cabling maneh amarga saiki wis ora beling, sing gawe bungahing atine Maryumi yaiku gawe wong mesem bae iku wis dadi kebanggaan kanggo deweke.

Semarang, 15 juni 2013 19.21 (Reni Anggraeni)