geguritan

Duwit

Enak rasane

Kakehan bingung kurang ya tambah bingung

Ora ana ambune

Ora manis, ora getir lan ora pait

Ning kabeh padha seneng

Ora tuwa,ora mudha

Ora gedhe, ora cilik

Ora piyayi ora napi

Maling,kiyai,santri

Kabeh ngerti

Kabeh kepengin lan melik

Sing wuta malih weruh

Sing weruh isa wuta karana dewekke

Sengaja ora kepingin weruh marang kahanan liya

Sing sehat dadi lara

Lara jalaran ora sehat pikire

Awu dadi inten

Tembelek dianggep coklat

Kabeh karana duwit

Dondong apa Duren

Ambune akeh wong ora seneng

Rupane agawe wong sungkan ndemek

Boro-boro ndemek

Weruh bae sungkan

Njabane srodoken

Ning jerone alus

Ning rasane enak

Regane iya larang

Bedha karo sing bentuke

Alus njabane

Kadang manis ya kadang kecut

Ning murah regane

Digoleki gampang

Ning jerone srodoken

Menusa iya padha

Kari milih dondong apa duren

Yen dondong enak ora ana halangan

Sawangane apik saka njaba ning jerone kaya mengkana

Buku

Buku-buku tinumpukan kaya gunung

Rapi kaya buku anyar

Ditata siji baka siji

Ning rak kamar

Ning dina iki kabeh bedha kahanane

Tumpukan kaya gunung murak marik

Susunane ora cetha

Bentuke kaya buku lusuh sing wis di enggo pirang-pirang taun

Saisi kamar kaya ssegara buku

Ning kasur ana buku

Ning meja nan buku

Nganti isi pikiran mung buku lan buku

Lunga ning kampus gawa buku

Kamar mandi iya ora klalen

Buku-buku buku

Wingi-wingi ora disaba

Ning saiki digawa-gawa

Ya ngene iki sing jenegane mahasiswa

Sing wayangan nglembur tugas

Deadline Tugas

Buku-buku tiing slengkrah

Ora karuan wujude

Laptop dipanjer

Driji kang mucuk eri padha jejogedan

nari ning duwur keaboard

soca endah mandeng monitor

pikiran dipokusake

tumpukan-tumpukan buku di elongii

siji baka siji banjur dipahami

driji tengkrunyuk

mlaku goleki hurup-hurup

drijine kaya ana matane

jalaran mlaku dewe wis biyasa

wayangan iku tembunge

ngombe kopi kanggo sangu melek wengi

Kudu Lila

Wengi kui aku isih weruh polahmu

Lakumu sing ngesemke ati

Polahmu sing gawe semangatku

Wingi kaya padhatane

Aku isih bisa nyawang gumuyumu

Isih seneng weruh polahmu

Nembe wingi

Kowe dak jaluk ngancani aku

Nembe wingi

Kowe dak jaluk tetep dadi semangatku

Ning

Gusti duwe rencana liya

Kowe kudu bali ning ngarsane

Kowe kudu lunga ninggal aku

Aku kelangan

Kelangan kowe

Aku kelingan nalika ngru,mati kowe

Ning aku kudu lila

Yen kabeh iku kersane sing kuwasa

Tebu

Sing manis iku sing  digoleki

Dirumat awit cilik nganti gedhe

Dipupuk disiyami lan ditresnani

Godonge didadekake pakan sapi

Gunane ora among siji

Nganti dienggo nganti tekan endi-endi

Ning

Nalika sarine dijupuk

Ampase mung dibuang

Ampas sing biyen dadi siji

Saiki mung diidak-idak ora aji

Kaya-kaya ora nana arti

Ning wingi-wingi iku ning ngendi?

Sari manis iku apa iya bisa urip dhewe?

Tanpa ampas sing mbarengi

Wingi diaji-aji

Saiki oradiopeni

Wingi digadang-gadang

Saiki wis ora dirumati

Apa Cukup mung ning Lambe?

Argumenmu kuwat

Kaya karang sing ora owah kena ombak

Omonganmu

Kaya wesi sing kena geni

Angel leleh yen ora dipendhel

Ucapmu

Gawe yakin sing krungu

Kaya-kaya ngalami dewe kahanan sinh kaya mengkene

Apa buku pathokanmu?

Reverensi apa sing mbok ugemi?

Ning

Sliramu lali

Sliramu cetha ning ora peka

Apa ya sliramu ndedelok apa sing ning sekitarmu?

Apa wis tau ngrasakake?

Kahanan kang mengkono

Dina Akhir

Sang surya wis mulai surup

Ntusup kaya dom digoleki ning dami

Bantala nandang sepi

Tirta gumrujuk saka langit

Wit-witan playon diamuk maruta

Akeh akeh tan saya akeh

Titra nibani bumi

Nyebar ning segara kali lan waduk

Kabeh tumplek dadi siji

Tirta,siti,geni

Gedhe gedhe tan saya gedhe

Kenceng tambah kenceng maruta ngamuk

Nuduhake kadigdayaane

Gegiris rasaning bantala

Suara menusa do jejeeritan

Kewan-kewan padaha mebgok

Padha njaluk tulung

Njaluk ngapura

Anak,bojo,keluarga wis pisah kabeh

Sing ana mung awake dewe sing nyoba nglawan bendu kuwi

Bapa Biyung

Ing kalbu kepikiran

Kkepingin mbales ning ora bisa

Sudarma sing golek arta

Puyengan kang nandut

Sangang sasi sangang dina

Abot,gondhal gandhul nyara langkahe

Angel turune ora bebas polahe

Bapa sing golek arta

Rina wengi lali awan lali wengi

Manting balung

Tenaga diperes

Rina wengi golek bnandha

Kanggo nyukupi kebutuhan keluarga

Bapa biyung

Gedhe jasamu

Ora bisa aku mbales jasamu

Jemparing Asmara

Wis kena jemparinge tresna

Lali dunya lali akhirat

Lali dulur kanca lan keluarga

Jarene

Jagat iki kanggo wong loro

Barang diajak pupuh

Tetep dilakoni

Paribasan ngantri

Ludira paling akhir

Ora apa-apa

Asa;l candhak katresnane

Ragane  ehet

Ning pikire keranta-ranta

Ngenteni sing digadhang

Carang Garing

Jamane eneo seger dadi penclokan

Gegodongan

Nggawa beban saka tanggungan

Kudu ngyahi kuwajiban

Suwi-suwi diganti sing enom

Yuswane tambah tuwa

Pawakane saya ringkih

Pasuryane saya ora bringas

Wektu sing dadi patokan

Wis wancine kudu diganti

Kudu tiba saka panggonane

Kahanane wis ora kaya janman dek emben

Yen wis ngono

Among tiba,tiba saka panggone

Dadi barang sing ora migunani

Aja mana dirumat

Nyawang bae ya wegah

Gunane apa

Kanggo gawe geni

Sing bakale among dadi areng

Nahan Kingkin

Mung bisa nahan kingkin

Ngarep sing dewangkara

Tumeka kanggo ngurmati

Kalbune ajur

Remuk ora bisa bali

Rattan sing diliwati buntu

Ora bisa maju iya ora bisa mundur

Ngarep buri jurang

Ora bisa owah ora bisa osik

Rasane isining bawana

Tumubruk ning awake

Abot rasane

Sing diudanimung peteng

Kabeh jlitheng

Sing digadhang-gadhang ilang

Ora nana warta beritane

Kaya kabur kegawa angin

 Dondong apa Duren

Ambune akeh wong ora seneng

Rupane agawe wong sungkan ndemek

Boro-boro ndemek

Weruh bae sungkan

Njabane srodoken

Ning jerone alus

Ning rasane enak

Regane iya larang

Bedha karo sing bentuke

Alus njabane

Kadang manis ya kadang kecut

Ning murah regane

Digoleki gampang

Ning jerone srodoken

Menusa iya padha

Kari milih dondong apa duren

Yen dondong enak ora ana halangan

Sawangane apik saka njaba ning jerone kaya mengkana